Baju dipakai Usang, Adaik dipakai Baru. Begitulah pasan adaik kito mangatokan baa adaik babaju baa pulo adaik baadaik. Baju dipakai usang jadinyo, lambek laun lapuak banang, kusam raginyo. sairiang bapikia jo aka sehat tanpa tekanan mako pastilah turun haragonyo. Adaik dipakai Baru, makasuiknyo jiko adaik lai bapakai, lamo samakin lamo samakin taguahlah kadaanyo. dalam adaik yang taguah itu mako inyo layaknyo barang baru, mako satiok urang handak mamakainyo. kalaulah satiok urang bacirabuik nak mandapeknyo mako sunnatullah haragonyo manjadi tinggi.
lalu, apo pulo kaitannyo sampai ambo bao-bao politik di kalimat judul ? coiko syarah nan dapek ambo sampaikan. pakailah politik itu layaknyo adaik, makin dipakai makin dibutuahkan, makin disayang, makin bangga nak mamanggakkanyo. usahlah pakai politik itu co baju rancak nan sairiang jalan wakatu manjadi usang. kok lai bana akhianyo sayang urang kabaju, paliang rancak lataknyo balipek manih dalam lamari.
ka sia pasan ko paliang patuik nak disampaikan ? jiko itu tanyo sidang pambaco, mako jaweknyo adolah urang nan pucuak labek akanyo tunggang, baliaulah nan gadang salingkuang nagari kito nagko, SBY namonyo kini. kapado baliau disampaikan amanah nak sudi baliau baelok-elok ka anak nagari. baa caronyo elok ? saketeknyo, sarupo iko caronyo. 1.kok ado nan tapakiak manahan litak dapeklah baliau nak maagiah barang sasuok. 2.kok ado nan mada dek sakolah kurang bana, dapeklah baliau manyadiokan pendidikannyo. 3.kok layuah badan karano sakik dapeklah baliau tagak dimuko mancarikan jalan usaho supayo dapek dibao ka angku dotor.
Tidak ada komentar:
Posting Komentar